كـتـاب ألموقع
(فاطمه) امهم اعـَـزّي// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الإثنين, 26 تموز/يوليو 2021 19:38
- كتب بواسطة: ميسون نعيم الرومي
- الزيارات: 2238
ميسون نعيم الرومي
(فاطمه) امهم اعـَـزّي
ميسون نعيم الرومي
يتغنج شغلته اويحچي باليعني
يتقاسم بالدخل و(البرهم) آنه اعني
هلبت غيرتك تصحه اوتتعلم
*من تونس (سعيد) اوشانك اتعلي
***
اهدمتوه العراق اگعتوا ع التلـَّه
لملوم امن الدول شيعيهم..كردي اوسني
عصابه الحاكمه سراق محترفين
اتجـوّع بالشعب والجار متهني
***
تخطف بالشباب اوتكتل اوتذبح
يا أم الشهيد اتعزي .. بس ونـّي
-(أحمد) العام انكتل واليوم (علاوي)-
-(فاطمه) أمهم اعزي.. والخبر احزني
***
آلاف اتعوقت ميات دمهم سال
سراق اتملينت فرحانه واتغني
نايم ياشعب تحمل مهانه اوذل
ما ترضه الظلم لا ذله..كل ضني
***
باوع للشعوب الداير اوميدور
اتغـيـر انظمه اتـثـلث اتـثـني
شاطر باللطم والطين فوگ الراس
لا مشفى لا مدرسه لا شارع المبني
***
لا تونس لحگنه لا مصر لا ايران
انوج اوننطفي چن خفت ! دافني
* (نوري السعيد) الگال من ازمان
-(مثل گبة البردي اوننطفي)-
والمثل ثاولني
----------------
*هنيئا للشعب التونسي برئيسه قيس بن المنصف بن محمد سعيّد هو رئيس الجمهورية التونسية السابع وسياسي وأستاذ جامعي مساعد مختص في القانون الدستوي
---------------
(مو مثلنا احنه المگاريد)
-------------------------
قال نوري السعيد رئيس الوزراء في العهد الملكي *شعب العراقي مثل الملح الفوار يفور لثواني ثم يخفت
-------------
26/تموز2021
ســتوكهولم