اخر الاخبار:
الدولار يواصل ارتفاعه في بغداد واربيل - الخميس, 26 كانون2/يناير 2023 10:52
  • Font size:
  • Decrease
  • Reset
  • Increase

كـتـاب ألموقع

ياهو الينصف يا طيبين؟// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

ياهو الينصف يا طيبين؟

ميسون نعيم الرومي

 

* بلد القتله السفاحين - ياهو ايعينچ ( يم تحسين)

*چذب اهوايه ( ياام إيهاب) – واوعود الماتخلص تدرين

حقچ ياخذ گال الحيد – (أم علاوي او أحمد) لا تبچين*

شمعة اوطفوهه الأوغاد - *(ريهام) البطله وانت العين

*(مهند) امن ابطالچ تشرين – ياام القيسي لـِـتــْعانين

بالوعد او توعد واتخون!! – *(هشام) اولادك متنطرين

شحسب ؟ والعدد اتعده الألف - شهداء الكلهم مذبوحين

يتمشدق يبلف چذاب – نگطه اوطاحت من اجبين

كل هـَمـَّـه اويخدم بالجار – بيتك مهجوم اومن طين

مشروع او للقتل الشبان – وين ايروح الشعب اويشرد وين؟

مليارات الفرهدتوا ابشكبان – يمته اتشبعون اوليوين؟

سبحه اولحيه واتصومون - اتبوگون الكحله امن العين

الاوقات الخمسه اتصلون!! – كـَـفـَّـرتوا الوادم بالدين

بالكيف التحليل اوتحريم – عارانتوا اومابيكم زين

بالآه او ونه العمراوراح – سنين المرّت خو(عقدين)-

عراقية اومعروفه اتونين – ضيم احملتي واتنوحين

تنشغ تبچي اتصب ادموع – بالگلب اومشعوله اچوانين

احروب اوكاتم .. تفجير – اولادج للموت اتزفين

تنخه او تصرخ تطلب عون – ياهو الينصف يا طيبين؟

ياهو الينصف يا طيبين؟

--------

الشهيد الناشط المدني:- تحسين اسامة الشحماني الذي اغتيل في البصرة *

---------------------

أم ايهاب:- الشهيد إيهاب الوزني ناشط مدني من شهداء تشرين في كربلاء*

 نادى بالحرية والتحررمن العبودية ومحاربة الفاسدين.

-------------

 *فاطمة البهادلي ام الشهداء أحمد وعلي:- ناشطة في حقوق المرأة ومدافعة عن (البصريات)-

قتل ولديها، فقبل سنتين قتل ابنها أحمد والآن قتل ابنها الآخر علي لترهيبها واسكات صوت الحق

----------------

الشهيدة الشابة الناشطة الدكتورة ريهام يعقوب من شهداء تشرين

التي اشتهرت بترديد اهازيج( انت منو ؟ )  في تظاهرات البصرة*

------------------------

الشهيد مهند القيسي:- طالب جامعة الكوفة للغات من ثوار تشرين قتل في مذبحة النجف*

---------------------

هشام:- هشام عبد الجبّار الهاشمي  قتل في بغداد*

وهو مؤرخ وباحث في الشؤون الأمنية والإستراتيجية والجماعات المتطرفة

ومختص بملف تنظيم داعش وأنصارها

--------------------

ســــــــــــــــــتوكهولم

8/آب/2021

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.