اخر الاخبار:
توضيح من مالية كوردستان حول مشروع (حسابي) - الأربعاء, 27 آذار/مارس 2024 19:18
  • Font size:
  • Decrease
  • Reset
  • Increase

كـتـاب ألموقع

يالثـوبـَـك احـمـَـر// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

يالثـوبـَـك احـمـَـر

ميسون نعيم الرومي

 

يالثوبك احمر وامشجر– يالتمشي اوتتغنج يمعدل

اعيونك سوده امكحله – يحليو امذبـَّـل يمهيل

ابسدك شمس اولاذت – لنجوم ابجيدك تتختل

قـداح اوعنبرعطرك - والغمزه البالخد تكتل

***

تتمرجح ترچيه اعله الخد – واتبوس الشفـَّـه اوتتغزل

بشفافك ورد الجوري – والناس ابحسنك تتأمل

والصدر الچنه المرمر – اشمحلاه الشـَـعـْر امهـَدَّل

ياللابس أخضر وامقلم – يالحچيك موزون امكمل

***

يالمايع چنك رطبه – طبعك هاليوم اتبدل

اشرايد يالتمشي ابدربي؟ – ابعد لاتگرب يمدلل

تجفي اوتغدر تتعذر – اعذار اهوايه امشكل

يالثوبك ماوي امقفل – يالتمشي اوتتماوع  يمصنصل

-------------

12/آب/2021

ســـتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.