شعر: باسل شامايا
أثرا دبابا
لتن شوق مدميثا طالوخ يا أثرا دبابـــــــــا
ايالوخ بطراقا بدوني بأراقا من عوذابــــــا
رهيوي وقاطول وبيش طالن تعستا بطلابا
قطلا كيباي طكستا لكرحمي زورا ورابــــا
*****
لأيكا عليما حبيوا شويقا بيثوخ بنهابـــــــا
بكوايا اثرا دخــــــن كاوح بشاتت شوعباذا
برخشي يوماثا وشنّ تاما بلوشت جورابـا
كوي ناشا دلا أثرا بخاه وموثا بطلابــــــــا
*****
قاي بكانت من ماثوخ نشيا كوللي نشواثــوخ
بشوقت خا شوبا بريشا بلبا دخور وخنواثوخ
يما منثرا دمئي وبشقلت برسمتا دخاثـــــــوخ
واودوثا بكنوا جهوخ وتاما بَشري يوماثــوخ
*****
كنثا دالقوش مسوقلتا كووخون مهير بطوتـــا
اختون بانوتون دعثث ومسرقوتون مبيثا كنتا
ليكا زيلوتون شويق نوخراي كمير بشتـــــــــا
بيثواثن مكفليلي وتشعيثن بيشـــــــا دشتــــــــا
*****
بوشو تد بانخ اثرا ومرحقخ منح بلغتــــــــــــا
وبرسخل بحوبا صبيا بشوبا دسنيوثا نيختــــــا
بّيثد سماخا بزمرخ وبقارخ محرا بكنوشتــــــا
هيون تد لوشخ عيذا ومكلخ بلغونا وبرشتـــــا
*****
ولوشخ عوذرانا وحوبا ودارخ ايذا كو ايــــذا
دقارخ بخا قالا راما وبلخخ كولن تا بيثــــــــــا
بأثرن وماثن عززتا بيشخ دما دوريـــــــــــــذا
دياسيرن بآذي أرعا بحوبوخ يا أثرا عميـــــذا
*****
حوبا منشيلن جهوا دزونا قشيا مدكــــــــــــلانا
مّكل شغوشيا ديوماثا دخاهخ كولّن بروخانــــا
مّرمخ كنتا من لبا ومّشيا مخاين عوقانــــــــــــا
خونا وخورا واشواوا بلوشي بحوبا شوقانــــــا
*****
بحندوخ يا زونا قشيا من حشا أرعا رويـــلا
ايمن بشوقتن دكاوخ دعثث طالن كليــــــــــلا
دلاوش عمن بصخوثا وتبيشخ بأثرن أخ يولا
ايالن وعليمن تد نطري شما دبيثوثا كذيـــــلا
*****