اخر الاخبار:
كشف أسباب استقالة وزير المالية - الثلاثاء, 16 آب/أغسطس 2022 16:34
وزير المالية يقدم استقالته من منصبه - الثلاثاء, 16 آب/أغسطس 2022 16:33
وزير الصدر: الثالوث الإطاري يلعب بالنار - الثلاثاء, 16 آب/أغسطس 2022 10:47
  • Font size:
  • Decrease
  • Reset
  • Increase

اشـْـبـَعـنـَه حـوار// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

اشـْـبـَعـنـَه حـوار

ميسون نعيم الرومي

 

اشـْـبـَعـنـَه حوار اشـْـبـَعـنه  كـلهه اوعـود

لتأمن نـَـذل مبيوع .. والـّـلي شغلته فرهود

نِغـَـير امن الجـَـذر.. نحمي وطنـَّه انريد

كل مرتـشي فاســد ! والوجوه الســود

***

-(بالشـلع اوقـَـلع) والشعب كلـَّه اوياك

تاريخ ايخـَلـِّـدَك .. واجدادك اهل الجود

جوعـوه الشـعـَـب .. داسـوه بالرجـليـن

احثاله امعـَـفـّـِنـَه .. تنكنس كـنس الدود

***

(بـغـداد) .. العراق او.. هيبة الأوطان

ياهو اللي يجي يولينه .. (خان اجغان) ماكو احدود

شـبان الوطن .. ارجاله كـِلهه احــرار

تحريرالوطن يردون .. والموقف يريد اشهود

***

مهانه اوعوز شبعوْ .. والخبز حسره

افلوس امتلتله ابحلگ الكرش والغود

شـباب اتـذبحت .. والقاتل المجهول

يـفـرح منـتـشي والشعـب هالممرود

***

شجاعه ابكل عزم .. هبـّـوْ اجوك اليوم

بـيـديـن الزلم .. حتما وطنه ايعـود

يصحه اعراقـنه والوطن كـلـَّه ابخير

نصرخ حيل .. يـِـخـْـسـَـه الخاين المطرود

***

فاليحيا (العـراق) .. اتعيش ثـواره

نـِحاسب كل دخيل او مجرم اومنكود

عاش اهـل (العراق) ابـطاله وارجاله

خلود الكل شهيد الرِفـَـض كل اقـيـود

-----------------------

4/ آب /2022

ستوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.