اخر الاخبار:
بوتين : خطر الحرب النووية يزداد وسنرد بالمثل - الأربعاء, 07 كانون1/ديسمبر 2022 21:15
  • Font size:
  • Decrease
  • Reset
  • Increase

بغداد دايرهه النهر// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

بغداد دايرهه النهر

ميسون نعيم الرومي

 

بغداد دايرهه النهر

حاضنهه كلها ابطولهه

يغسل شعرهه اوينثره

والگذله وي ازلوفهه

الشمس متعنيه تجي

اتصبح عليهه اتبوسهه

بغداد ابد ماتنسبي

عصيه دوم ابزودهه

بنوات او ابناء احلفوا

محد يفك احجولهه

لموهه لنجوم السمه

والگمر ضوّه اجفوفهه

***

باچر تهب اوتنتفض

تغسل ارضهه اشطوطهه

بغداد خاواهه النخل

لونه لمع بعيونهه

يا حلوه يالكلهه غوه

غربت شمس بخدودهه

خستاوي يا برحيهه الرطب

الزرع چان ايدورهه

دجلتهه وابمايه العذب

بالشمس شع ابنورهه

بغداد لاگلهه الشِـعـِـر

موسيقه الطرب يحلولهه

***

بغداد يا ام العلم

سومر و(اكد) اجدودهه

بغداد ماتحمل حزن

فرحانه دوم ابروحهه

بغداد ياعمر الأزل

عالم ضوه من نورهه

باچر يهب كل الشعب

ايحرر ارضهه او هورهه

ايقاضي من خان الوطن

ايرد الفرح لعيونهه

بغداد دايرهه النهر

حاضنهه كلها ابطولهه

-------------------------------------------------

تشرين الثاني/2022

ســتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.