اخر الاخبار:
"حقيبة" تقطع طريق كركوك - اربيل بشكل مؤقت - الثلاثاء, 27 شباط/فبراير 2024 20:28
ماكرون لا يستبعد إرسال قوات لأوكرانيا - الثلاثاء, 27 شباط/فبراير 2024 19:10
اعتقال داعشي "بارز" في كركوك - الأحد, 25 شباط/فبراير 2024 19:25
  • Font size:
  • Decrease
  • Reset
  • Increase

جانه شباط .. هم جانه// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

جانه شباط .. هم جانه

ميسون نعيم الرومي

 

جانه شباط …هم جانه

يتبختر تراه …

امغير الوانه

من ذيچ السنه …

وامبدله قمصانه

جانه شباط … رد جانه

نذكر بالجره…

والرمح باجلانه

نص قرن المضه..

نحسب ابقتلانه

يا ضيم …اوقهر

والروح حزنانه

چا يمته الفرج…او نفرح ابدنيانه

****

جانه شباط … شو جانه

املگط  تراه..

امنين چا جانه؟

ايده ابجيبته…

والخرج بحزامه

ايعبي بالذهب…

والعين جوعانه

امطول لحيته…

والدين عنوانه

شو قتل اوخطف..

تهجير اوذبح

او من قال اوبله…

وامطشره ادمانه

چا يمته الخلاص…او نفرح ابدنيانه

******

جانه شباط … رد جانه

امحزم ع الخراب…

امكشر اسنانه

خادم للغُرُب…

ع الشعب طغيانه

شوكلشي خرب! ..

لا زرع البقه لا ماي

لاخدمات والصحه عدمانه

ماعنده خجل..

وايلملم الجيرانه

يا ويلي الوطن…

مبتلي .. بـَـلوانه

چا يمته النفاهه .. اونفرح ابدنيانه

يمته….. ؟

جانه شباط .. هم.. جانه

إجانه...

……………………….                                                    

8 / شباط / 2024

ســــــتوكهولم

أضف تعليق


للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.