عيدين عدنه بالسنة// عبد الرضا حمد جاسم

• 

تقييم المستخدم:  / 0

سيئجيد 

تم إنشاءه بتاريخ الأحد, 16 حزيران/يونيو 2024 20:34

كتب بواسطة: عبد الرضا حمد جاسم

الزيارات: 1295

عبد الرضا حمد جاسم

عرض صفحة الكاتب 

عيدين عدنه بالسنة

عبد الرضا حمد جاسم

صاح الله واكبر

والفجر

طر

وبالعيد بَشّر

عيدين عدنه بالسنة

عيد الأضحى والفطر

بيناتهن... أيام مد أو جزر

وكَبل كل عيد... ساعات جر أو عر

الفطر

من دار فتوى ننتظر

يصدر أمر

إكمال عده

لو هلال هل

واليلةه ما تكَعد الناس تتسَّحر

والأضحى

نستقبله بدم ونحر

كَبل كل عيد

ناس دايخه تفتر

ما تدري... يحيط بيها خير لو شر

ناس... كلوبها نار

عله الي صار

وعله كلمن ظلم لفه كبر

وعله مغصوب هاجر

لو تهَّجر قسر

كَلوب عاصرها القهر

والحزن ع لمَرْ أو عبر

بالعيد... المفروض الخواطر تنجبر

والحزنان يفرح

وصدور تنشرح

ويتصلح... إل بأيام أخرى أنكسر

عدنه....

كل عيد البشر

بين كبور تفتر

إن جان برد الوكت لو جان حر

ماي وشموع

وياس ودموع

وصياح مرات مسموع

ومرات ما مسموع

ممنوع

وجن البلكَبر للعيد ينطر

خدود وعيون من اللطم والبجي صارن حمر

وتعب وتراب السفر

عيدين ...عوز اوقلق

وقهر و سهر

وتحضير السفر

عيد.....ما ندري علينه شلون مر

لن الفرح سيطر عليه الحزن الشر

عيدين عدنه بالسنة

عيد الأضحى و الفطر

والناس بين كبور تفتر                                                               

• < السابق
• التالي >