يا بــو الوعـَــد// ميسون نعيم الرومي
- تم إنشاءه بتاريخ الثلاثاء, 19 كانون2/يناير 2021 19:38
- كتب بواسطة: ميسون نعيم الرومي
- الزيارات: 1803
ميسون نعيم الرومي
يا بــو الوعـَــد
ميسون نعيم الرومي
يابو الوعد وين العهد؟ - والغيبه للينسه اذنوب
واليـنـْـسَـه وعده ياترف – ماله أمان اومـَـيـتـوب
امتـَـيـّه طريقه ابكل وكت - وابوجهه مسدوده ادروب
ذابل وردهه اوهاليبـَـس - اسنين العمر كلهه اتـذوب
چم صيف راح اوچم شِـته – مـَـلينه يسمر چـَمدوب!
وازغـار چـِـنـَّه يا زمن – والوجـَع يـوجع وايـلوب
يا كـِحـل عين امساهره – يا نبع صافي اومهيـوب
نحـْـلم اونرجه اوننتظر - والأمل خايـب مـَـنكـوب
اجروح تـدّي ابكل وكت - اشبيده اويسوي المتعوب
والليل يـطوي بالحلم – والوعـَـد وعـْـدك ! عرقوب
روح ابطريـقـَـك لا تجي – چـَـنـّـك عـَدو مو محبوب
يابو العهد يابو الوعد
-------------
18/ كانون الثاني/2021
ســتوكهولم
المتواجون الان
580 زائر، ولايوجد أعضاء داخل الموقع