اخر الاخبار:
تكشف لأول مرة.. تفاصيل تدمير مفاعل العراق - الأربعاء, 23 حزيران/يونيو 2021 21:27
واشنطن تتعهد بمعاملة خاصة لقبول العراقيين - الأربعاء, 23 حزيران/يونيو 2021 21:25
اندلاع حرائق كبيرة شمالي دهوك جراء قصف تركي - الثلاثاء, 22 حزيران/يونيو 2021 17:19
الصحة تسجل 6003 إصابات جديدة بكورونا - الثلاثاء, 22 حزيران/يونيو 2021 17:17
انفجار قرب جسر في كركوك - الثلاثاء, 22 حزيران/يونيو 2021 10:20
البرلمان الاسترالي يمرر الاقتراح الآشوري - الثلاثاء, 22 حزيران/يونيو 2021 10:14
  • Font size:
  • Decrease
  • Reset
  • Increase

سبيل يا عطشان// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

سبيل يا عطشان

ميسون نعيم الرومي

 

*(سبيل يا عطشان)

بلوه ابتلينه ابـ إيران

افلوس الخزينه الطهران

-(السوريـّـه) اشكال الوان

حزب الله نـِـعـَـيشـَه ابلبنان!

والشعب مفلس جوعان

ذل اومهانه وي قهر

گالوا سريع النسيان

بلوه ابتلينه ابـ إيران

سبيل يا عطشان

***

بالنفط صاحوا فرهود

حصـَّه الـ (مصر) والـ عمان

والساسه تهمش واتبوگ

بالنهب شـَـرْعـَوا بيبان

الـ (بيروت) حصـَّه امعتبرَه

هم حصه .. (لفغانستان)

-(والحوثي) مدري اشكثر

تتقاسم الباقي الغمان

بلوه ابتلينه ابـ (إيران)-

سبيل يا عطشان

***

نواب كلهه ملينت

حصـَـتـْهـَه حصت أسـد

منهوبه ثروتنه نهب

احزاب ما تشبع أبد

شعيط وامعيط الكرف

والوطن راح انجرد

صاير خرابه اوتربان

بلوه ابتلينه ابـ إيران

سبيل يا عطشان

***

اتعلمنه نغسل الدموم

واللحم غطـَّه الحيطان

بيسَـوا ابولدك يا شعب

كاتم .. خطف للشبان

موده جديده يا شعب

ابمرضاك (شعلوا نيران)-

ليوين تنهض يا شعب؟

تطلع اوتِـعـْلِن عصيان

اتحرر اوتنقذ موطنك

من ايد كلمن خوان

كافي حرب كافي قتل

جوع او مهانه اوطغيان

كافي....

---------------

*(سبيل يا عطشان):- وتعني مبذول للجميع بلا مقابل

------------------------

1/آيار/2021

سـتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.