اخر الاخبار:
لقاء بينيت والسيسي - الثلاثاء, 14 أيلول/سبتمبر 2021 10:37
  • Font size:
  • Decrease
  • Reset
  • Increase

(فاطمه) امهم اعـَـزّي// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

(فاطمه) امهم اعـَـزّي

ميسون نعيم الرومي

 

يتغنج شغلته اويحچي باليعني

يتقاسم بالدخل و(البرهم) آنه اعني

هلبت غيرتك تصحه اوتتعلم

*من تونس (سعيد) اوشانك اتعلي

***

اهدمتوه العراق اگعتوا ع التلـَّه

لملوم امن الدول شيعيهم..كردي اوسني

عصابه الحاكمه سراق محترفين

اتجـوّع بالشعب والجار متهني

***

تخطف بالشباب اوتكتل اوتذبح

يا أم الشهيد اتعزي .. بس ونـّي

-(أحمد) العام انكتل واليوم (علاوي)-

-(فاطمه) أمهم اعزي.. والخبر احزني

***

آلاف اتعوقت ميات دمهم سال

سراق اتملينت فرحانه واتغني

نايم ياشعب تحمل مهانه اوذل

ما ترضه الظلم لا ذله..كل ضني

***

باوع للشعوب الداير اوميدور

اتغـيـر انظمه اتـثـلث اتـثـني

شاطر باللطم والطين فوگ الراس

لا مشفى لا مدرسه لا شارع المبني

***

لا تونس لحگنه لا مصر لا ايران

انوج اوننطفي چن خفت ! دافني

* (نوري السعيد) الگال من ازمان

-(مثل گبة البردي اوننطفي)-

والمثل ثاولني

----------------

*هنيئا للشعب التونسي برئيسه قيس بن المنصف بن محمد سعيّد هو رئيس الجمهورية التونسية السابع وسياسي وأستاذ جامعي مساعد مختص في القانون الدستوي

---------------

(مو مثلنا احنه المگاريد)

-------------------------

قال نوري السعيد رئيس الوزراء في العهد الملكي *شعب العراقي مثل الملح الفوار يفور لثواني ثم يخفت

-------------

26/تموز2021

ســتوكهولم

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.