يالرايح تنتخب// ميسون نعيم الرومي
- تم إنشاءه بتاريخ الأحد, 19 أيلول/سبتمبر 2021 16:54
- كتب بواسطة: ميسون نعيم الرومي
- الزيارات: 2076
ميسون نعيم الرومي
يالرايح تنتخب
ميسون نعيم الرومي
يالرايح تنتخب احذر – شـعبك جايع امطشر
صوتك غالي ما يـنباع - تبقه دومك امكدر
الباگك مَـلين اودافي - حافي تركض امحَـسَّـر
اسنين الراحت اهوايه – اشـقـَـدّم سأله واشعمـّر
يالرايح تنتخب احذر
يالرايح تنتخب ذولـَه - نفس الباگـَوْ الدوله
مجرم سافل اوأمي - ام (سرسوبـَه) والحوله
مره الينخدع تدري ! - لعبو بالوطن جولـَه
اسمع للنخل يبچي - اعراق الخير متـْصَحـّر
يالرايح تنتخب احذر
يالرايح تنتخب اسمع - بابك اگعد اوسِـدْهه
ذل اوضيم وامكـَدّر- انت اللي چنت گدهـَه
-(رَغـّْو) داسو ابطنك - زادت حيل عن حدهه
يالرايد تنتخب اخجل – (ولدك) دمهم اتطشر
يالرايح تنتخب احذر
اعراق امن الدول اكبر
راسك عالي يالأسمر
اطرد ذوله واتحـَـرر
يالرايح تنتخب احذر
---------------
16/سبتمبر/2020
ســتوكهولم
المتواجون الان
1200 زائر، ولايوجد أعضاء داخل الموقع