مجـروح يـا زمـن// غسان يونان
/ 0
- تم إنشاءه بتاريخ السبت, 09 تشرين1/أكتوير 2021 10:06
- كتب بواسطة: غسان يونان
- الزيارات: 1544
غسان يونان
مجـروح يـا زمـن
غسان يونان
جسـمي تعب
ومجـروح يا زمـن
جروحـات عا طـول
المـدى
سـكاكين طول العمـر
وطعنات بْقلب
طعنات
ما بترحم حدا
وبالظهـر
وبالظهر رمـاح
من أقـرب الناس
ناس ما إلْهـا وَفـا..
الأنّـات،
الأنّـات بالسَـمَا يا زمـن
وآهـات عالأرض بيلَمْلِمهـا
الصـدى
وصـدى آلاف السـنين
عَم تروي لْنَـا حكايات
محفورة
بقلب إنسـان
إيمانُـهْ رد العـدا
حكايات يـا زمـن
ما بتنتسـى
فيها ألم
فيها فـرح
فيها حنان الأم
بِ كفكف دموع الأسـى
تراتيل
وبخّـور
وقداسـة
ما بتنمحَى
وناطرين كل العمـر
تا نلتقي
عا ضفة الخـابور
منرفع الكأس
وبأرض أجدادنا نيـنوى
ونخب الأبطال منشربُه
كلنا سَـوا.