اخر الاخبار:
القبض على خلية "خطيرة" لداعش في نينوى - الجمعة, 15 تشرين1/أكتوير 2021 10:23
توضيح حكومي بشأن اعتراضات القوائم الخاسرة - الخميس, 14 تشرين1/أكتوير 2021 20:41
  • Font size:
  • Decrease
  • Reset
  • Increase

أحزاب السياسة// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

أحزاب السياسة

ميسون نعيم الرومي

 

أحزاب وبالإسم احزاب حسبوهه

اتفـَـرّخ تنشطر..ابدم الشعب ربوهه

چا وينه (الفكر) وين الوطن والإصلاح؟

والغايـه نـَهـِـب والبـوگــَه قـَـسموهه

***

يا هـَـيـئة أمم مرتـَـشـْـيـه وديـتي !

(بلسخارت)الإسم وام فتك لقبوهه

أحزاب السياسه الجيتونه مدري امنين!

مليارات امصفطه ببنوگ عـِدّوهـَه

***

-(يالبصره) العزيزه التزهي يم الخير

-(الكويت) اتسيدت (والشطچ) انطوهه

والماي العذب (ايران) گطعـتــَّـه !

من ماي (البزل) واملوحه يهدوهه

***

شوفوه (النخل) والگاع صارت (بور)-

عطشان الفرات اودجله باعوهه

فضائيين اشكثر! الاحزاب فرضتهه

مليارات امعدده والخزنه فرغوهه

***

أحزاب السياسه ابلا مبادئ ليش؟

تتآمر ع الشعب الاحزاب شوفوهه

حراميه اتجمعت (أحزاب) نادوهه

غايتهه النهب والبـوگ گالوهـه

***

و(البنگ المركزي) فـَـلـْسوه هالظلام

هم شفتوا گبل (ذهبات) باعوهه ؟

چا شحچي بعد ع النفط واخباره

احزاب اتقاسمت و(احفاد) حرموهه

***

شو نفس النهج واوجوه (تتكرر)-

-(يتــْعـَـزَّه) الوطن واتصيح زكوهه

يا شعب العراق اشلون تاليهه ؟؟

مثل (جيره ابفرگ) الاحزاب لزگوهه

مثل جيره ابفرگ (بالگصـَّه) لزگوهه

------------

/ اكتوبر /2021

ســتوكهوام

 

أضف تعليق


للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.