قصيدة/ إيدك بإيدي- باللّغة المحكيّة
جميلة مزرعاني
لبنان الجنوب
هاتْ إِيدَك
تشبكْ إِيدي
نسكِّرْ عالماضي
نفتحْ صفحة جديدة
نعزفْ ع اوتارْ المحبّة
نشيدِ الوحدة
بإِيمانْ ثابتْ وعقيدة
ندملْ جروح الفتن
نسكبْ عليها
خمير محبّتنا الأكيدة
ننقشْ ع جفونِ الهوى
لهفاتِ الوفا
نشربْ كاس الصُّلْح
بعزّةِ بلادنا المجيدة
نحلفْ يمين أبدًا
ما نبيعْ أصالة قِيَمْنا
وشريعتنا العتيدة
نكتبْ للوطن
قصايدْ غزل
بنبضاتِ المهج
تضبطْ حروفها أجمل تنهيدة
ونهزج متل فراش
نمضي حبايب
بربوع لمِّتْنا السّعيدة
جميلة مزرعاني
لبنان الجنوب
ريحانة العرب