قصيدة/ يالأنتي نبيه
ميسون نعيم الرومي
يبلادي يالانتي نبيه
باعوچ او صرتي سبيه
مليارات او ذهب اندفنت
بالشارع آلاف امجديه
****
حكامچ حمرابي وآشور
عگبوهم اوغاد اوهتليه
صايع ضايع لو محتال
لو بياعة سبح اوعربنچيه
****
گصو شعرج وانذليتي
يالچنتي نجمه امعليه
نهرانچ چانت بالصيت
صارت ضحله او مصويه
****
والنخل الچان ايغني
ابريم او برحي اوخستاويه
گصوهه او صارت عيدان
ماتت اهوار المحميه
****
شبانچ بطاله ايدورون
لا شغله اولا خرجيه
والخير البيچ امتلتل
بالگاع اندفن ابگونيه
****
يا شعب الساكت ع الضيم
بفلوسك متمتعه اللوكيه
شوكت اويمته اتهب تشرين
تشلع ذوله ابتوثيه
اشوكت
……………………………
تموز / 2026