زَعـَل هذا لو دَلال؟// ميسون نعيم الرومي

• 

تقييم المستخدم:  / 0

سيئجيد 

تم إنشاءه بتاريخ الثلاثاء, 05 كانون1/ديسمبر 2017 17:20

كتب بواسطة: ميسون نعيم الرومي

الزيارات: 2208

الموقع الفرعي للكاتبة

زَعـَل هذا لو دَلال؟

ميسون نعيم الرومي

هـذا طبعـَـك لو....

 دَلال

دَلـَع هـذا ؟ لو خصال ..

غـَـزل زعـّـلـَك ... ؟

لو جـَمال ..!

وَطـَـن انـّـتَ او بيه الوذن

روحي عـِنـّـدَك ودَعـِتــّهه

ابلحظه تجفي .. اوهالعفتهه!

لاتـَحيـّة .. اولا سـَـلام..؟

يطـّـفـَه وابغفله الغرام ؟

حبك انتَ بس كلام؟

جفـَن عينك هـَم ينام..؟

ردت اسـألك چا سـؤال

گـتـلي هذا امن المحال...

تگطع ابغفله الوصال

هذا طبعـَك ؟

لو... دلال..

***

عطر روحك هالأشمـَّـه

نجمه ضوَّت وابدربنه

عزف اسمع ..؟

لا.. قصيده...

غيمه تمطر..غاد..عنـَّـه

وانه ادري .. او ما دريت

طبع هذا ... لونسيت!

بيك الوذن واحتميت

وانت يحبيب جفيت

تدري انت .. اوما دريت

وآنه وابدربك تنيت

ينطر العيد الهلال

لاتجينه..!

بس ... تعال..

زعل هذا لو دلال

صعب طبعك ...؟

لوخصال

اموتن .. اعرف هالسؤال

تگطع ابلحظه الوصال..

طبع هذا لوخصال؟

زعل هذا لو دلال؟

---------------------

ديسمبر/ 2017

ستوكهولم

• < السابق
• التالي >