كـتـاب ألموقع
مضفور بسنين العمر// ميسون نعيم الرومي
/ 0
- المجموعة: ميسون نعيم الرومي
- تم إنشاءه بتاريخ الإثنين, 18 كانون1/ديسمبر 2023 19:48
- كتب بواسطة: ميسون نعيم الرومي
- الزيارات: 1105
ميسون نعيم الرومي
مضفور بسنين العمر
ميسون نعيم الرومي
بعيونك الحلوه بحر
غابات واشجار اوصور
والنظره البعينه دفو
لو صوبت .. رشة مطر
***
نجمات تتغامز فرح
بالشفه من گال الشعر
البحه البصوته غوه
واحروف تتناثر عطر
***
مثل الشمس لو مر يشع
والوجه چن فلعة گمر
الرصعه البخده ضوه
بالحنه معجون الشعر
***
امنمنم او كلش ترف
وابرقـته ورد او زهر
ردت اوصفه حار الوصف
وابشوفته يغشي البصر
***
مر ابعجل مثل الحلم
جيت اگربت صد او نفر
ضيعت عنوانه واسـألت..
مضفور بسنين العمر
-----------------------------------
ديسمبر / 2023
سـتوكهولم
المتواجون الان
679 زائر، ولايوجد أعضاء داخل الموقع
