اخر الاخبار:
ارتفاع اسعار الدولار في بغداد واربيل - السبت, 28 كانون2/يناير 2023 11:00
  • Font size:
  • Decrease
  • Reset
  • Increase

كـتـاب ألموقع

نص غنائي: بـَـسَّـك ملامه اوعـَـتب// ميسون نعيم الرومي

تقييم المستخدم:  / 0
سيئجيد 

ميسون نعيم الرومي

 

عرض صفحة الكاتبة 

نص غنائي:

بـَـسَّـك ملامه اوعـَـتب

ميسون نعيم الرومي

 

بـَـسَّـك ملامه اوعـَـتب ياحلو يا اشكر

بخدوده نور اونار والگلب جمـَّـر

مايع رطبب لو خطف من يمنه

بعيونه يرمي اسهام بالنظره يسحر

***

من يمشي تمشي انجوم تتبع ابأثره

تتباره چنهه اوياه بالتالي تخسر

من الشمس هاللون لوذهب ليره

لومـَـرَّت النسمات للگـذله تـِنـْـثـِر

***

امدلل يبعد الروح محله دلاله

بعيونه سبع ابحور، لا والله اكثر

ناقـِـش وشم ع الإيد چن شذر يلمع

خايف من الحساد! لوقصده يبهر ؟

***

طبعه الحلو مغرور حگه ابحلاته

والغمزه ع الخدين لوضحك تنفر

گرَّبت يمه او جيت ، واسألته بهداي

باوع ابطرف العين .. راح او تـِـعـَـثــَّر

----------------

ايلول/2021

ســتوكهولم

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.