كـتـاب ألموقع

تقليد سادة...// حسن حاتم المذكور

• 

تقييم المستخدم:  / 0

سيئجيد 

المجموعة: حسن حاتم المذكور

تم إنشاءه بتاريخ السبت, 26 أيلول/سبتمبر 2015 10:29

كتب بواسطة: حسن حاتم المذكور

الزيارات: 1585

الموقع الفرعي للكاتب

تقليد سادة...

حسن حاتم المذكور

برلين

13 / 08 / 2010

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. 

نـسـد  الـبـاب

ومـا  نـدري

جـوه  احـنـه ... ؟

لـو بـره  عـلـى  جـرف الـدم

بـس نـدري

الـسـيـد  يهلس المهلوس

وعـلـيـنـه  الـوطـن  يـتـهـدم

.....

صـدﮒ  هـذه  الـيـفـعـلـونـه .. ؟

ﭽـذب  ذاك  الـحـﭽـوه  الـنـه .. ؟

ﭽـم  خـنـجـر  بـعـد  بالـخـاصـره  مـزروع ...؟

ومـقـابـر  بالـوطـن  نـبـنـي

ونـسـﮕـي  دمـوع ... ؟

مـا  نـدري

..........

بـس  نـدري

طـاعـون  الـبـعـث  بـيـنـه

لابـس  جـلـد  سـيـدنـه

يـطـفـي  بـلـيـلـنـه  شـمـعـه

ودمـعـنـه  الـراكـد  بـخـدنـه

يـزود  بـيـه  الـف  دمـعـه

واللحايــه  الما  تـشـور

تـشـرب مـن الـگـوز دمـنـه

.........

هـا  كـثـر  تـقـلـيـد  سـاده

لـبّسـت  ديـرتـنـه  لـيـل

مـطـرز  بـغـيـم  الـﭽـذب

مـدومـنـه  بـكـل  الـلـعـب

وحـنـه  الـخـسـاره

تـبـيـعـنـه  وتـعـامـل  الـلـه

تـريـد  بالـدولار  جـنـه

.............

تـقـلـيـد  ســاده

تـشـفـط  مـن الـجـوع  جـوعـه

تـبـيـع  دم  الـطائـفـه

تـبـيـع  صـوت  الـطائـفـه

حـتـى  ذاك

الـعـيـب  يـنـبـاع  بـرخـص

.........  سـيـدنـه  بـاعـه

والـسـالـفـه  الـمـا  تـنـحـﭽـي

ثـاري  سـيـدنـه  الـصـبـي

يـريـد  مـن  عـفـلـق  شـفـاعـه

يــا  فـضـاعـه

بـسـوﮒ  ذاك  الـصـوب

بـاعـونـه  الـجـمـاعـه

يــا  فـضـاعــه

..............

الـخـاطـر  عـيـن  ابـو  الـيـمـه

انـتـخـبـنـه  الـشـيـن

ومـشـيـنـه  ويـه  الـﭽـذب  لـلـبـاب

وصـبـرنـه  عـلـى  الـمـهـانـه  سـنـيـن

فـجـرونـه ... غـرﮔـونـه

ومـوتـنـه  ضـل  يـلـتـفـت

مـا شـاف  ويـانـه  العـمـائـم

زرعـوا  الـديـره  يـتـامـه

وبـيـتـهـم  مـا  بـيـه  يـتـيـم

..........  ولا ارامــل

الـجـوع  يـاكـل  جـوعـنـه

وسـفـرة  الـسـيـد  ﭽـبـيـره

والـجـواري  ...  والـحـريـم

تـثـرد  دمـوع  الـيـتـامـه

............  بـجـوعـهـم

.............

ولـلـه  ذلانـه  الـوكـت

شـطـولـه  صـبـرك  يـبـو  الـيـمـه

ونـتـه  تـدري

حـزن  زيـنـب

دمـع  بـعـيـون  الأرامـل  والـيـتـامـه

وكـربـلا  تـنـعـاد  بـيـنـه

عـيـرونـه ... وكـلـشـي  ﮔـالـوا

احـنـه  مـعـدان  وروافـض

شـراﮔـوه  ولـد  الشـوارع

كـفـرونـه ...  وشـرعـنـوا

مـوت  اهـلـنـه

بـلا  وصـيـه  ولا  وداع

والـمـوت  شـعـواطـه  رمــد

وعـيـونـهـه  تـهـمـل  الـﮕـاع

..................

احـنـه  عـاتـبـنـه  الـصـبـر

......    ونـعـاتـبـك

يـا  بـو  الـيـمـه  شـطـولـه  خـلـﮕـك

ايـتـامـنـه  ....  ايـتـام  الـحـسـيـن

يـنـامـون  عـطـشـانـيـن

.....  جـوعـانـيـن

ومـن  ضـيـم  اهـلـهـم

بـاعـوا  الـﭽـلـوه  عـمـرهـم

وبـاعـوا  الـمـا  يـنـحـﭽـي

يـبـو  الـيـمـه

بـاعـن  الـمـا  يـنـحـﭽـي

........ الـمـا  يـنـحـﭽـي

وانـت  سـيـد  الـعـارفـيـن

................

شـلـون  تـرضــه ....؟

ذولــه  مـنـهـم ... يـبـو  الـيـمـه

ذولـه دلالـة يـزيـد

والـبـعـث  مـنـهـم  وبـيـهـم

يـسـرح  بـشـريـان  دمـهـم

ذولـه  مـنـزوعـيـن  غـيـره

الـهـمـه  ﭽـانـوا ... ذولـه  هـمـه

بـيـنـه  عـلاسـيـن  ديــره

يـبـو  الـيـمـه

بـعـد  بالـوجـدان  هـمّـه

نـعـاهـدك ...

راح  نـتـحـزم  بـحـيـلـك

ونـﮕـلـه  بـيـهـم

كـش ... ولـك

ويـاك  اخـذهـم

ذولـه  بعـثـيـيـن  مـثـلـك

.............

وحـنـه  نـدري

تـبـوسـنـه  وتـرضـه  عـلـيـنـه

ويـغـسـل  الـتـاريـخ   وجـهـه

وكـربـلا  تـلـبـس  فـرحـهـه

وزيـنـب  الـمـسـبـيـه  بـيـنـه

تـمـسـح  دمـوع  الـيـتـامـه

وتـبـتـسـم ... فـرحـانـه  بـيـنـه

.........

يـبـو  الـيـمـه

مـا  نـريـد  الـمـوش  مـنـه

ولا  الـﮕـاع  تـريـده  يـمـنـه

ذولــه  غـربـه  ابـيـتـنـه

تـقـلـيـد  لـبـسـوا  هـيـبـتـك

وﮔـالـوا  الـمـوجـود  الـنـه

يـروحـون  فـدوه  الـهـبـتـك

يـبـو  الـيـمـه  عـمـامـتـك

خـيـمـة  وطـن

برلين

13 / 08 / 2010

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. 

• < السابق
• التالي >