كـتـاب ألموقع

خواتي الأربعه!// زهير كاطع الحسيني

• 

تقييم المستخدم:  / 0

سيئجيد 

المجموعة: زهير كاطع الحسيني

تم إنشاءه بتاريخ الثلاثاء, 19 أيار 2020 19:12

كتب بواسطة: زهير كاطع الحسيني

الزيارات: 2422

زهير كاطع الحسيني

عرض صفحة الكاتب 

خواتي الأربعه!

زهير كاطع الحسيني

خواتي الأربعه كلمن بديره

وِحده معلمه .. وِحده سفيره

ووحده إمجننه وحده بَعدها

كل وحده إبلد .. شوف الرطينه

الجبيره مِن وَكت شمّعت ْ الخيط

عافتنه ومِشت ْ سِكنت ْ جزيره

تبعَت ْ الرجل وسِكنت ْ الأصقاع

وبنِص الثلج صارت أميره

الزغيره صدكَت ع الواهس وجان

لأمريكا مِشت ركبت سفينه

ومثل الصدك شو عاشت إهناك

فرحانه بعد مادري حزينه

وعندي الثالثه والحال ميسور

بغدادي رَجلها وحفر  بيره

ما ترهم بعد والناس أهواء

وين الرابعه الدنيا جبيره

لِمي حصتج كوريها دولار

وتبيع العفش جنها  فقيره

وعلى واهس ولدها تبعت ْ الناس

وسكنت أنقره بشقه زِغيره

خواتي الأربعه كلمن بديره

هذي قصتي وكلمن سبيله

ما ريدك نسيبي مِني تستاء

إقبلها بلطف ما بيها حيره!

زهير كاطع الحسيني

• < السابق
• التالي >