كـتـاب ألموقع
صرخ صوت الغضب من السمه اوناده// عباس طريم
/ 0
- المجموعة: عباس طريم
- تم إنشاءه بتاريخ السبت, 09 تموز/يوليو 2016 10:55
- كتب بواسطة: عباس طريم
- الزيارات: 2122
صرخ صوت الغضب من السمه اوناده
عباس طريم
الى الدماء الطاهرة التي ذهبت الى ربها شاكية من ابناء شعبنا المظلوم في الكرادة ..
_
صرخ صوت الغضب من السمه اوناده
__________________________
صرخ صوت الغضب من السمه اوناده
انحرم مايه علينه , وانحرم
زاده
+
كلمن ما يجي ايعزي , ابكلب مفجوع
عالطاحوا اودمهم مله
الكراده
+
ضحايه الراحوا , الواحد احد يشكون
كل واحد صبغ من دمه
بغداده
+
هذه اللي فقد عمه , واخوه وياه
وهذه الفاكد ابنياته
واولاده
+
وهذه الطاح بيته , انمرد كل البيه
وشرد من ايد عزرائيلنه
شراده
+
وهذه الراح , وي الساكنين اوياه
عمامه وكل الوياهم
واحفاده
+
يجري ابكل ركن , دم العراقيين
ما يرتاح من اسهام
صياده
+
وصار الموت ذبحا , للشباب اليوم
في ارض العراق المايجن
عاده
+
العراقي وي الزمن , خلصهه بس طكات
كل يوم المنادي وللحرب
ناده
+
ياهو ايدش علينه , ايجيب ملج الموت
لابد بيه , مثل احصان
طرواده
+
الغضب حل , والمناية اطشرت عالناس
واسلاح المصايب , ساحب
ازناده
+
الموت انتعش , وارقامه تعلت فوك
سنه اوشيعه , اخوة الزادو
اعداده
+
ضحايه وسال دمهم , مثل دجله الخير
وهني للدمه سال اوضحه
لبلاده
+
يا اسلام هذه الجاز , ذبح الناس
ويارب ينطي , قاتل مجرم
امراده
+
اله الكون عادل , والنبي المختار
امان اسلامنه ابكل الوكت
راده
+
والاسلام واضح , كله رحمه ونور
منع وأد البنات وغير
العاده
+
اله الكون عادل , والكتاب ايكول
من يكتل بشر , له نار
وكاده
+
هلبت فاد قابيل , الكتل هابيل
تضرع للاله وعبد
ما فاده
+
بعد عدنه الفوارس شايلين ارماح
ينعدون كد الدنيه
وزياده
+
مثل عثمان , من انقذ ضحايه الموت
ضحه ابروحه , والله الاكرمه
وزاده
+
ديرتنه بخيته , وبيهه الف عثمان
واتظل بالنشامه الارض
ولاده
+
الشهيد اليوكع ابارض الشرف هاليوم
هذه اليوم , هوه ايصير
ميلاده
+
حرك تفجير , والاشلاء وسط النار
شتريدون من عدنه
يجلاده؟
+
يهل تذبح وتكصب بينه هاي اسنين
شما تذبح تجيك اسيوف
هداده
+
لتظن العراق , اعله الخريطه اصغير
مثل بعد السمه اعله الكاع
اوتاده
+
ارجع للحقيقه , اوراجع التاريخ
اتشوفه ابكل نزال امحصل
كلاده
+
لهذه اتكاثرت , عالفارس الغمان
ومع الايام زادت حيل
حساده
+
احنه اسلام نعبد , واحد القيوم
ونعبد كل ارضنه الطاهرة
اعباده
+
ويوم الضيج , من نسمع منادي ايصيح
نتحول رصاص اونار
كالعاده
+
ويصول العراق , ابكل ورود البيه
سنته واشيعته , عله اعداه
واكراده
المتواجون الان
1151 زائر، ولايوجد أعضاء داخل الموقع
