كـتـاب ألموقع
محبة ...!// عبد الرضا المادح
- المجموعة: عبد الرضا المادح
- تم إنشاءه بتاريخ الجمعة, 05 آذار/مارس 2021 20:07
- كتب بواسطة: عبد الرضا المادح
- الزيارات: 2152
عبد الرضا المادح
محبة ...!
عبد الرضا المادح
بالأمس چنه كلنه صحاب ،
مابینه واحد منافق چذاب ..!
بس يمر بينه ،
ويدك ذاك الباب
نفتحله ،
و أول سؤال ،
عن صحته ،
وعن صحة الغياب ..!
نسهر ..
نسولف ..
نغني ..
نرفع كاس الأحباب ..!
وأبد ما فرقتنه
ألوان..
وأديان ..
وعشاير وألقاب ..!
گلب واحد
وما زَعـَّـلنه أبد ،
أي عتاب ..!
ومن يعثر صديچ ،
تهب النشامة
تسانده وتدفعله كل حساب ..!
وچماله تلومه :
ليش ساكت ،
ما گلت ،
ما خبرت ،
ما دزيت أي كتاب ..!
......
ودار الزمن وسفة ..!
ودوّر علينه الدولاب ..!
وصار الفلس يلمع ..!
بعيون الرچيچه ،
الما تريد تشوف
شمس المحبة
ولا تريد تشوف
لمّة ذيچه الأصحاب ...!
عبد الرضا المادح
2020.09.24
المتواجون الان
471 زائر، ولايوجد أعضاء داخل الموقع