كـتـاب ألموقع
جاسم سيف الدين الولائي// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الإثنين, 25 شباط/فبراير 2019 18:57
- كتب بواسطة: ميسون نعيم الرومي
- الزيارات: 2246
ميسون نعيم الرومي
اربعين يوما على رحيل الأديب الشاعر الصديق
جاسم سيف الدين الولائي
عزائي لعائلته وأخواته واخوته واصدقائه, العزاء الى حبيبتي فريال سيف الدين الولائي
ميسون نعيم الرومي
يبن العراق الناضلت
ما قصرت
ما ساومت
من زغرك انت اتعذبت
واترحلت واتشردت
بين الدول واتغربت
ابوجه الظلم حيل اوگفت
يبن الولائي الماخفت
ما يوم راسك نكست
تبقه تضل نجمه تشع
يجاسم يا الانت علم
وافكارك تنادي بالسلم
وابوطن حر اوسعيد
وابشعب سالم مجيد
اشكبره الأمل انت ازرعت
وانت الگلت :-
نزرع ورد
عرب او كرد
واعيون تضحك تبتشر
يزهي الوطن تصحه ضماير
تعله سنابل والنخل
واهناك .. يلتم الشمل
يبن الولائي استعجلت
والگلبك انت ابذرت ..
بسهول واجبال الوطن
رايد تخلصه امن المحن !
يعم الفرح مامش حزن :-
وانت الگلت :-
يا باسقِ النَخِيلِ والجِبالِ والمَنائِرْ
يا مَوْطِنَ الكِرامِ والوَفاءِ والمَآثِرْ
الله يا عراق
لبيك ياعراق
سيزهر العراق
نبنيك يا عراق
لبيك ياعراق
واحنا انررد اوياك :-
لبيك ياعراق
لبيك ياعراق
--------------
23 / شباط / 2019
سـتوكهولم
المتواجون الان
824 زائر، ولايوجد أعضاء داخل الموقع