كـتـاب ألموقع
حقي نازل آنه آخذ// ميسون نعيم الرومي
- المجموعة: ميسون نعيم الرومي
- تم إنشاءه بتاريخ الخميس, 24 تشرين1/أكتوير 2019 19:40
- كتب بواسطة: ميسون نعيم الرومي
- الزيارات: 1911
ميسون نعيم الرومي
حقي نازل آنه آخذ
ميسون نعيم الرومي
-(حقي نازل آنه آخذ)-
روحي بيدي والعلم
جروحي اشدهن..
بيدي اكضهن
حيل اصيحن ..
باسمك اهتف..
يا عراق
انت قبله والمناره
انت تاريخ اوللحضاره
بيرغ انت للأمم
ع الفساد اليوم ثائر
غرگونه بالمحن
ننقذ انريد الوطن
انحاسب انحاكم هالرمم
حقي نازل آنه آخذ
روحي بيدي والعلم
***
دم اخوتي بالشوارع..
يصرخ ابصوته اوينادي..
كتلوا الفرحه والحلم
ابراسه طلقه من جبان..
أبد ما طاح العلم
أذّن اوصاح الأذان
والكنايس تعزف الحان السلام
يا شهيد الحق ينادي..
عفيه اخوتي للأمام
طشوا اسنينه للأسف
بعده دمـَّه ..مانشف
يطلب الثار اوينادي ..
كلنه نهتف للوطن
شعب واحد .. فد علم
حقي نازل آنه آخذ
روحي بيدي والعلم
------------------
الى الثوار اهديها
24/تشرين الأول/2019
سـتوكهولم
المتواجون الان
667 زائر، ولايوجد أعضاء داخل الموقع