كـتـاب ألموقع

سـطر.. اوسـطر// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الثلاثاء, 13 تشرين1/أكتوير 2020 19:47

كتب بواسطة: ميسون نعيم الرومي

الزيارات: 2111

ميسون نعيم الرومي

عرض صفحة الكاتبة 

سـطر.. اوسـطر

ميسون نعيم الرومي

غـنيت الك غـنوة فـرح

عينك بحـر حار الشِعـِر

حـبك سكن بين الرمش

ويه العمر شـَـب اوكبر

***

وديـت الك نجـمه اوگـمر

تضوي على ليل الشـَـعـَـر

چـِـنـْت الأمل ورده زهر

وسـط الگلب وشـم انحفر

***

وابمشـيتك لحـن اوطرب

ناي اوعزف يغوي اويمر

حچيك عسل برحي الرطب

-(بســـمة) غزل طش انتشر

***

فـَـزَّة طفـل فـَـز الگلب

نسـمة صبح طيفـك عـبر

خيط الشمس شعرك لمع

مـَـر ابعجـَـل چـَـنـَّه نـِفـَـر

***

حلم اوخطـَـف ليلة أمس

كت الدمع مـزنـَة مـطر

بچفوفي الم باقـي البقـَه

جمله اوحرف ! سطر اوسطر

سطر او .. سطر

سطر

-------------

9/اكتوبر/2020

ستوكهولم

• < السابق
• التالي >