كـتـاب ألموقع
• بغداد أنتي الأصل ( شعر شعبي )
/ 0
- المجموعة: ذياب مهدي آل غلآم
- تم إنشاءه بتاريخ الإثنين, 02 آب/أغسطس 2010 12:14
- الزيارات: 2265
ذياب مهدي آل غلآم
بغداد أنتي الأصل
( بغداد كلج زلك جاوين محطاط الجدم !!)
شاكر السماوي
جسم همومك يالعراقي وبطريقك لا تحير
الجبل ما دنك لوادي ولو عطش هذا مصير
طير بالديرة جنت كصوا جناحه ويطير
شما يفيّض دجله مايه ألك بجروفه بلم
بغداد كلج زلك جاوين محطاط الجدم!؟
*******
ألك يم بغداد جلمه وألك بهواهه درب
آليعلم الناس يعشك مو عجيبه لو يحب
الزلك ماطيحله نخله ترد عالحجار أبرطب
الزلك من يحكم لقيط ! أحرار ويحطهه خدم
بغداد كلج زلك جاوين محطاط الجدم
*******
بغداد شلت جرح وكسورها تنطك ؟
واللي زنوا باعوا شرف كالوا جذب تطلك!
ياكسرت الراحوا غدر عن كصص ما تعرك
سهله الجدم يزلك غفل بس مو بنكرت دم؟
يغداد كلج زلك جاوين محطاط الجدم
*******
بغداد كلج غزل يمولعه أحله الحلوين
بغداد ينساج الزعل والضحكه ترجع بعدين
بغداد أنتي الأصل وهذوله وي صدام حسين !
ونرجع نزرع ادروبج ورد جاوين محطاط الجدم
ونطش على ادروبج ورد جاوين محطاط الجدم!!؟
*******
بيرث المتناغمة/ أستراليا
المتواجون الان
442 زائر، ولايوجد أعضاء داخل الموقع
