• اليوم عيد
- تم إنشاءه بتاريخ الإثنين, 25 حزيران/يونيو 2012 20:37
- الزيارات: 1920
شعر: حامد كعيد الجبوري
اليوم عيد
اليوم عيد...
اليوم ألبس كل عمر
...عمري الجديد
اليوم أجي أمحمل ترافه
وأصعد ويّاك السمه
أيدي بيدك تلعب وترسم كمر
اليوم أجيب النجمه
ترجيه الحبيبي
اليوم ما ألبس حزن
ثوبك حرير ...
أمطرز أبمي النده
ويمطر عشك
بيدي أمشط ليل صبري
وأغزل خيوط الفرح
وأغسل همومي
وعطش كل السنين
وأهمس أبأذنك هلاهل
يا كمر ... يا عالي ردلي
شوف كذلة تلبس عيون السنابل
ويركص البيدر غرام
اليوم أطش الروح
بيد الله عتب
إني رايد ...
كل حلاتك ...
كل حلاتك ...
...واشرب أشفافك عنب
اليوم طعم الفرح هيل
أركض أركض
...أركض أركض
ما تصل روحك تعب
اليوم طول السهر ليل
ليل ما يخلص سوالف
وتلعب أنهودك رطب
طاير أجناحين شوكي
وانثر الضحكات بدروب الهوه
اليوم أشوفك تلعب بروحي
تراتيل ونشيد
اليوم كلبي بيك ..يكبر
....يكبر وينزل بنفسج
وينزرع حضنك بريد
اليوم عيد...
وقبلة خدودك ضريح
بين
اليوم عيد
...وغير عيدك ما أريد
...غير كلبك ما أريد
وما أريد
المتواجون الان
977 زائر، ولايوجد أعضاء داخل الموقع
