• يمه يا يمه (نص غنائي )
- تم إنشاءه بتاريخ الجمعة, 03 أيلول/سبتمبر 2010 18:23
- الزيارات: 1995
حامد كعيد الجبوري
يمه يا يمه
نص غنائي أهديه لحزب الفقراء والعمال والشريحة المثقفة ، الحزب الشيوعي العراقي ، أمل التغيير الحقيقي للواقع السيئ ، وأطرحه بين أنامل الملحنين عله يصلح للغناء .
النص
___________
يمه يا يمه أعله بختج
حني بيبان الحزب
حزبي يا يمه عراقه
أبفكر ويلاده ورفاقه
هلهلي يمه وخواتي
وحني بيبان الحزب
يمه يا يمه ، يا يمه، يحبيبه أعله بختج
***
يمه نجم الحزب عالي
رفرَف أبكلب السمه
مو حجر بكلوب محمي
وبسواعدنه أنبنه
يمه عشناها المنافي
والوطن شهكة عوافي
بالدمع عجنيها حنه
وحني بيبان الحزب
يمه يا يمه ، يا يمه، يحبيبه أعله بختج
***
يمه مو أسمي الشيوعي
أسمي عاشك للعراق
حارسه وبعيوني شعبي
وشاد ع الغيره النطاق
للطفل أكتب نشيده
الوطن شريانه أوريده
وللوطن نرسمله جنه
وحني بيبان الحزب
يمه يا يمه ، يا يمه، يحبيبه أعله بختج
***
المتواجون الان
376 زائر، ولايوجد أعضاء داخل الموقع