الى المرأه العراقية// ميسون نعيم الرومي

• 

تقييم المستخدم:  / 0

سيئجيد 

تم إنشاءه بتاريخ الخميس, 07 آذار/مارس 2024 21:04

كتب بواسطة: ميسون نعيم الرومي

الزيارات: 955

ميسون نعيم الرومي

عرض صفحة الكاتبة 

الى المرأه العراقية

ميسون نعيم الرومي

المرأه عـِـلم اونـور المرأه قـدوه

هانوهه بس الدين سمـّوهه عـَـوْره

***

تتعثراوتمشي ليش ؟ والعـرگ ينضح

لفـّوهه بالجلباب .. رادوهه ترضخ

***

ماكـو شـِـعـر يـوفـيچ ! وانت أبيه

سـَـدّوا عليچ الباب صرتي ســبيه

***

اتـذكـر (الجـدات) (خالاتي) (عمّات)-

بـس (العبايه) اترف مرفوعه هامات

***

ريحة ورد قـداح والمحلب اوهـيل

اشمحله الزلف فدواه متغاوي بالليل

***

وحدتهن تـِهزالگاع هـيبه اومهابه

صارت ذليله اليـوم .. انطلبت طلابه

***

والنوبه (البنيات) .. انظلمن ظليمه

زوجوهه (تسع) اسنين .. أكبر جريمه

***

اربعه امن الزوجات ايدور (وِلِيفـَه)-

بالمتعه عـنده اهواي .. صاير خليفه

***

-(الكرش) سبع اشبار و(الرگبه) خنزير

افلوس النهبهه اهواي .. واللبس كشمير

***

هذا العراق الصار وسـفه اوحرامات

اهـله غـدوا طشار.. نِهبته الجارات

***

شحچي شگولل اليوم عيدچ امبارك؟

چا وينه هوه العيد ؟واشلون بيه انشارك

----------------------------------------------

8 / آذار / 2024

سـتوكهولم

• التالي >