محمد علي محيي الدين

ألف مختار ما يأخذ بثارات الشيوعية

هذوله أحنه...

الزرعنه بكل درب نيشان...

ورسمنه الشعبنه أحلام وردية

غايتنه التحرر والسعادة دوم

وناضلنه بعزم ضد العبودية

على هامات المنايا شكد ركت فرسان

تدوس على المنايا بهمه ثوريه

فهدنه وحازم وصارم عطا الدباس

وحسين الرضي بروحه الفدائية

أو(وضاح) الجبين وزينة الفرسان

لو كاظم الجاسم محله طاريه

ولو مختار واحد ياخذ الثارات

ألف مختار ما ياخذ بثارات الشيوعية