كـتـاب ألموقع
الى كل الحرامية// عباس طريم
- المجموعة: عباس طريم
- تم إنشاءه بتاريخ الثلاثاء, 22 كانون1/ديسمبر 2015 16:49
- كتب بواسطة: عباس طريم
- الزيارات: 1951
الى كل الحرامية
عباس طريم
قصيدة مهداة الى كل الحرامية الذين سرقوا اموال الشعب العراقي ..
_______
من شاعر يشوف الخطر عالباب
نصيحة لكل فلول
الحرامية
+
وصل يمكم يبعد اعيوني الحساب
وكلت لازم ابلغكم
خطيه
+
ندريكم زلم خبرات وارباب
سوابق ماكو حاجة لكل
وصيه
+
وبدل ما راح تنتحلون اسباب
شوفواالشردة وين ليا
نويه
+
ثكيل احسابكم مليان الكتاب
وجلدكم يندبغ مية
بالميه
+
ولان اولاد عم وموش اغراب
كلتلكم وسويت
العليه
+
واحدكم حرامي وبعد جذاب
اذا مليون باك ايكول
ميه
+
الشعوب انتهت ماظل عده اعصاب
انتفظت عالفساد ابلا
وعيه
+
ما تدرون كل سارق ونصاب
يجيه فد يوم ويطيح
ابليه
+
ما تدرون كل حك وراه طلاب
اسمه الشعب وينادي
ابقضيه
+
وما تدرون مال البلد نشاب
يرد ويحرك اصحاب
الرديه
+
شكثر ايات يزخر بيه الكتاب
انملت تحذير من رب
البريه
+
شكثر وصه النبي وكالت الاصحاب
جزاء اليسرق النار
السريه
+
واظن شفتو ابمصروبتونس شصار
واحد شرد عد
السعودية
+
والثاني اللي جان ايكص الركاب
محاصر بالقصر سوده
عليه
+
املكم ياطويلين العمر خاب
وبان المخفي وانعرفت
النيه
+
وكبل لا بيكم اهل العدل ترتاب
الحكوا الطائرة
الاستراليه
+
اتركوهه الجنط مو صعبه تنجاب
يكفي القاط وارباط
وهويه
+
المثل مكيول كلمن صاب ينصاب
ولياذي الشعب يلكه
الاذيه
+
تعرفون الحرام اشوده وشجاب
يلطخ كل نفس حرة
وزكيه
+
والعاقل الشاف الدهر دولاب
ميصعده ويصير اول
ضحيه
+
عجيب المسلمين ابحالة اضراب
ويعم السلام
البربريه
+
ابد والله ماتسوون العتاب
يل خنتم امانات
الرعيه
+
الحكوا الطائرة , انجمعوا الركاب
واسلموا ابروحكم
يالافنديه
+
واتركو المنصب العالي لاصحاب
الكرم والعزة والشيمة
الابية
+
عباس طريم
المتواجون الان
1117 زائر، ولايوجد أعضاء داخل الموقع