كـتـاب ألموقع

ناقوس الحق انكسر!// لطيف پولا

• 

تقييم المستخدم:  / 0

سيئجيد 

المجموعة: لطيف ﭘـولا

تم إنشاءه بتاريخ الجمعة, 03 تشرين2/نوفمبر 2017 10:10

كتب بواسطة: لطيف پولا

الزيارات: 2700

الموقع الفرعي للكاتب

ناقوس الحق انكسر!

لطيف پولا

الشاعرة الفاضلة سهام يدكو اطلقت صرخةً داوية من تلسقف إذ قالت:

• مآ ظل شي بعد ينگال

• وياكم الحجي شينفع !

• العتب مرآت فشله يصير

• إذا مايلگه أذن تسمع

نريد حلاً .. تللسقف تنادي

واذا كان العالم كله لم يسمعها, او لم يفهمها لسبب او لآخر, او لا يريد ان يسمع صراخ جروحها فانا قد سمعتها وهزني صوتها من الأعماق... ولكي اضم صوتي الى صوتها كتبت هذه القصيدة (ناقوس الحق انكسر!)

مع تحياتي للزميلة الشاعرة سهام يدكو

لطيف بولا

الخميس 2 / 11 / 2017

         ناقوس الحق انكسر  !      

                                   لطيف پولا

نادي  والصدى يرجع   ما يحس الماعنده وجَع

يا ضبع بگلبه رَحــمه   شاف الفريسه  وامتنع

العالم اخرس واطرش    بس من خيراتنا رِضَع

غِـفى  والظالم  شفَــع   والذيب بجروحنا يلطع

ابد ما يـــفيــد الحجي    الدنيا  صارت  للـيـبـلع

شِد گولين للـعگارب ؟   عـيني عگـرب لا تلسع!

لو نِسكت عَـل الأفاعي   والموت بانيابهن يـلـمع

حتى البزون يخرمش    وما يقبل  للچلب يركع

شوكت تنهض يا شعب  شمس الفجر من تطلع؟!

مــو أنت نايـم  چَـفي    شمس الظهيرة تسـطـع !

مثل  ليزرع  بالحـلـم    ريـتـه   أبَــد مــا  زرع!

ما يحصد غير الهوى   ومـنـو بالضيم اقــتــنـع؟ 

وليتربى على الخوف    يشوف خـيالـه  ويخرع

ناقـوس الحق انكسر     أَبــد بـعـد  ما  يــقــرع

 نصف المجتمع  شلع    الباقي عايش بالهَـلع !

• < السابق
• التالي >