كـتـاب ألموقع

الى مدينة الصدر(الثورة) المنكوبة// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الجمعة, 08 حزيران/يونيو 2018 10:55

كتب بواسطة: ميسون نعيم الرومي

الزيارات: 2653

الموقع الفرعي للكاتب

الى مدينة الصدر(الثورة) المنكوبة

ميسون نعيم الرومي

(بالثورة) شبت نار وابيت (الحسين)

ماظل مقدس بيك .. (يعراقي) ليوين؟

***

*(اتبربدت) كومه ابيوت (انمردوا) أهلهه

لحزاب اوتغطي اتريد تحمي ربعهه

***

حيف الشباب الراح دمهم تـِطـَشَّر

(ابرمضان) او خذاهه (الموت) بانيابه كشر

***

فوگ الفقر والضيم سايح يدمنه

والوطن هالمنهوب عطشت ارضنه

***

كل الدول بيهه اليوم ! احكوه .. وحده

واحنه (يملك الموت) .. اگعد وعدّهـَه

***

كل حزب فرَّخ بيك يعراقي (حفنه)

مـِتحـَـزِّمـَه بسلاح تذبح شعبنه

***

يا مجلس النواب خنتوا شعبنه

نفس الوجوه اليوم صار الهه رنـَّـه

***

*لا كهربه لا ماي .. (والنفط نجـَّـم)-

وين الفلوس اتروح .. والشعب فـَـحـَّـم

***

كلكم عصابة اشرار.. شنهي العباره؟

اعباديها وي معصوم كلّ الوزاره

***

شعب العراق الزين صاروا مجادي

دمهم جره نهران ... نايم (اعبادي)-

***

يا شعب يامنكوب محـَّد يعينك

بذراعك اخذ احقوق واحمي عرينك

***

لـُم الشهيد اليوم جيت انه اعزي

گصّي الگصايب غاد .. (للخضره) هزّي

--------------

*اتبربدت:- اتهدمت

-----------------

8 / حزيران / 2018

ستوكهولم

• < السابق
• التالي >