كـتـاب ألموقع

اكلاوات يابنگ المركزي// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ الإثنين, 04 أيار 2020 18:44

كتب بواسطة: ميسون نعيم الرومي

الزيارات: 2047

ميسون نعيم الرومي

عرض صفحة الكاتبة 

*اكلاوات يابنگ المركزي

ميسون نعيم الرومي

انعالات نوبه اونشتري

وانوبه هاليـوم النـَـبگ

والثوم ما نـِـنـْـسـَـه أبد

والعسل أكلي او(مطگي)-

مليارات الآف اوتنسرق

كيفي.. يـالنايـبـَه.. أوهـَـلهي

اكلاوات يابنگ المركزي

***

كوشـَت ايران اعله العراق

ماضل صناعه اولا حصاد

فـَـضلات مـنهم نـشــتـري

ذبـْحـَـوا ولدنـَه هالرعـاع

اعمامه اوافندي هالضباع

قضاء اونزاهه اومـُـدَّعي

موبوء يا بنگ المركزي

***

عـدنـَه مـَـزارع بالدول

سريلانكا اوفيتنام.. اوبعد

-(تمن) (اوچاي) او لبلبي

عمت عين الحكيم اومالكي

اجـيـوب الأبـَـد ما تنملي

شـَـعـَبـْـنـَه بـيـهـم مـبـتـلي

تـبـيع بـيـنـَه اوتـشـتـري!

ليوين يا بنگ المركزي؟

***

تريليونات الهه امعدده

والنفط نصه اتصدره

كردستان.. ادخيلچ صدقه

شـَـعـبچ مـِثـلنـَه مبـتـلي

بالبطن كافي اتچفصي

لستقلال اخذي وارحلي

-(فـَرْگـَس) گـَلبـْـنـَه والنبي

مبروك يا بنگ المركزي

سـِـتـْر اوغـِـطه للسرسري

اكلاوات يابنگ المركزي

موبـوء يا بنگ المركزي

----------

* https://www.youtube.com/watch?v=xJuazCNUj98

-(فـَرْگـَس) هناك مثل في جنوب العراق سمعته كثيرا وهو :-

*فلان او هذا العمل (ايفرگس الگلب)

والفرگاس هو الكيس المائي الذي يحدث

عند احتراق الجلد بالنار او بالماء الساخن.

--------------------

سـتوكهولم

 3/ آيار/2020

• < السابق
• التالي >