كـتـاب ألموقع
إعترافات مأمور بلديه!// زهير كاطع الحسيني
- المجموعة: زهير كاطع الحسيني
- تم إنشاءه بتاريخ الإثنين, 22 تشرين1/أكتوير 2018 18:16
- كتب بواسطة: زهير كاطع الحسيني
- الزيارات: 2382
زهير كاطع الحسيني
إعترافات مأمور بلديه!
زهير كاطع الحسيني
(بمناسبة اليوم العالمي للنظافه)
آني أسأل ياعمي ليش وسخين ؟!
شوارعنا نفايات ومكب طين
والناس بسهوله ترمي الأوساخ
إبـ نص العكَد .. لا ذمه لا دين
آني أسأل يا عمي هاي الأنقاض
مَرميه بشوارع وإحنه ماشين
ما شافت عيون الدرب مَسؤول
ولا سألت دكاكين الكراتين
عمي إشمر ولا يهمك نفايات
كل بغداد وسخه وإحنه دارين !
ما شفنه بلد وإعبرنه الحدود
مثلك يا بلد وسخه الكَياعين !
آني أدري الوساخه صارت إتلول
إسألها إشكثر بالدرب تبقين ؟
وآني أدري الأمانه ستاف متعوب
ما يلحك عليها صارله إسنيين
وآني أدري الثقافه إلها خو دور
بَس إنسانه ضايع ومسكين
وآني أدري الحكومه تنهب فلوس
رزقها عَ الوسخ رِزق البزازين
وآني أدري الوساخه خطها ممنوع
بَس عِدنه الوساخه تقبل اللين
نعم ..عِدنه الوساخه تقبل اللين !!
زهير كاطع الحسيني
المتواجون الان
942 زائر، ولايوجد أعضاء داخل الموقع