اخر الاخبار:
اعتقال 224 شخصاً جنوبي العراق - الخميس, 18 نيسان/أبريل 2019 20:40
توقيع 13 مذكرة بين العراق والسعودية - الأربعاء, 17 نيسان/أبريل 2019 19:20
  • Font size:
  • Decrease
  • Reset
  • Increase

كـتـاب ألموقع

إلمَشي موّ رِجّلين!!// زهير كاطع الحسيني

تقييم المستخدم:  / 0
سيئجيد 

زهير كاطع الحسيني

 

عرض صفحة الكاتب

إلمَشي موّ رِجّلين!!

زهير كاطع الحسيني

 

ماشي أنا لِحسين

ما ماشي راحه

إمّحزّم أنا حزامين

ورايتي إبراحه

وع َ جتافي كوم إمتاع

وأحجي بصراحه

ويّايه سَبع أخوان

كل واحد برآي

بيهم يدك طبّال

وبيهم إمناحه

تدري الطريق إطويّل

شِفت الوكاحه

هذا إلـ يخطّي إهناك

وهذا إلـ يبطـّي

وهذا إلـ زِرَك جوعان

وهذا إلـ يصلـّي

ومنهم يريد إيبات

بالموكِب إلجاي

ومنهم يظل زَعلان

ما  أخذ  راحه !

   .......

 

إشلون وتِلّم إلكِل ّ

والرآيه عِندي

كِلمن سِرَح بِهداي

وخَلّوني وَحدي

إلّمن بَعد ماشين

والمَشّيه حِلّوه

لو كلّنه فد ّ إكَروب

خلّونه نِمشي

لو ماكو خَلّي إرّوح

سيّاره جيمسي !

   .......

 

ما دَز عليك إحسين

حتى إتعاجَز

وإلّلي يريد إثواب

ليش إيتكَامز ؟!

حِلّو المَشي بأحزان

 حِزن العَقيله

وإستهدي بالرَحمن

حِملك يشيّله

والمَشي صوب إحسين

موّ مَشي بَطران

مَحسوبه خِطوه إلبيّيه

إتناصِر إنسان

يحمِل مَبادي الله

وبيت النبوّه

كلّ خِطوه مِنك لَيه

مَحسوبه ثوّره

لا تِمشي لو ما تريد

مَحّد يغصبك

إلمَشي موّ  رِجّلين

إلمَشي حُرّمه ..

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.