اخر الاخبار:
العراق يغلق أكثر من 600 موقع اباحي - الأربعاء, 18 أيلول/سبتمبر 2019 10:46
  • Font size:
  • Decrease
  • Reset
  • Increase

حلو من نذكر الزينات بالناس// عباس طريم

تقييم المستخدم:  / 0
سيئجيد 

عباس طريم

 

عرض صفحة الكاتب

حلو من نذكر الزينات بالناس

عباس طريم

 

حلو من نذكر الزينات , بالناس

كلام الزين وسط الكلب

يحتل

 

وحلو من يملك الانسان , احساس

يحاسب بي ضميره ويمنعه

ايزل

 

وحلو , لما يكون ابين جلاس

وكلامه ايكون ما قل

وما دل

 

وحلو , لو جان عنده العدل مقياس

ميزان العدل ما يوم

يختل

 

ما ينسه الاخوه , العنده نوماس

ولا صاحب امروه ايعادي

الخل

 

اهل القال .. معروفين انجاس

اتكول السانهم , بالثرم

منجل

 

النميمه الهه جذور- ن فارعه اوساس

ورجال الهه صناديد - ن

متنذل

 

حسد بكلوبهم , اسود اوهواس

وكثير امن الحسد بالناس

يقتل

 

الكل شينه الطفت عالسطح اجراس

وابواق شيمر عالبال

تنقل

 

يتوخه الحذر , عاقل اذا داس

كاع وبيهه ماي , ايحاذر

الزل

 

صدك من كال : هاي الناس اجناس

بيهه الم رفيف العين

يخجل

 

وبيهه الصلف , ولما يملك احساس

اذا وجهته بالمعروف

يزعل

 

كل هذه اليصير , ابسبب افلاس

يصيب الشخص ويخليه

مختل

 

يألف عن ذنوب الناس , كراس

وعن زيناتهم ما يوم

يسأل

 

الحياة , ابلا نفاق ودجل , كالماس

جمال وخلق , ومن النبل

انبل

 

قيم بيهه , وتسامح يرفع الراس

واول قيمه , بيهه الخلق

يحتل

 

تدرع , والصبر خليه متراس

ياكلبي وصعب الصعب

يسهل

 

للاتصال بالموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.