ياحليوه يالمسيب ياحنينه يالمسيب// فاضل البياتي
- تم إنشاءه بتاريخ الثلاثاء, 26 آذار/مارس 2024 20:31
- كتب بواسطة: فاضل البياتي
- الزيارات: 627
فاضل البياتي
ياحليوه يالمسيب ياحنينه يالمسيب
قصيدة فاضل البياتي
عندما اتغزل في هذه القصيدة الشعبية الغنائية الجميلة بمدينة المسيب العراقية الحبيبة فإنني اتغزل بكل المدن العراقية الحبيبة في وطني العراق الحبيب
¤
ياحليوه يالمسيب ياحنينه يالمسيب
ياوردة الحب السعيدة الزاهيه
بارض عراقنا الطيب والحبيب
¤¤
ياحليوه يالمسيب ياحنينه يالمسيب
يالمسيب كل زمانج خير وبصفاء وبهناء
وانتي جيران العزيزة المقدسة كربلاء
¤¤
ياحليوه يالمسيب ياحنينه يالمسيب
كل زيارة للضريح الطاهر لأولاد مسلم بالمسيب
الروح تفرح والأمل الحلو يصبح أگريب
¤¤
ياحليوه يالمسيب ياحنينه يالمسيب
من سنين وسنين
طبع المسيباوي الوفه والحنين
والمحبه للعراق ولاهله واخوته.
ولحياته ولأيامه وذكرياته بالمسيب
مايعوف ولا يسيب
¤¤
من سنين وسنين
ياحبيبه يالمسيب مثل الشمس تضوين
لاغاب الضوه عندج ولااتغيب.
¤¤
يامسيباويه ياعشگي الاولي
سنين وسنين غنينا سوه
واني وانتي نعبر كل يوم جسر المسيب
جسر عشگنا الباقي شباب وأبد مايشيب
ياحليوه يالمسيب ياحنينه يالمسيب
فاضل صبار البياتي
24 آذار 2024
المتواجون الان
712 زائر، ولايوجد أعضاء داخل الموقع