• الدنيه حلوه ( شعر شعبي )

عماد بله

 كندا

الدنيه حلوه

الدنيه حلوه ابضوه وجهك

ولمّا أنفاسك تهزني

يالغايب من اسنين

يمته الدنيتي الحلوه تردني

وتهز بيه مراجيح الهوه

وبكل شوگ العمر شبگه وتظمني

يل إلك بالروح شجره وسنبله

وباغصانك الحلوه شبچتني

خذني مره لمحطّات الفرح

يل فراگك هدني وحزنّي

موچنت .. طيرحُرْ ابسمه

گبل ماعيونك ولنّي

ليش اكسرت جنحاي ابجفه

وبدروب العشگ ضحكاتك رمتني

گلي چا يمته ترد روحي

وعله صدرك احسك نومتني

يابستان عشره .. وياشدة قساوه

عله المامش تولعني وتصدني

موانتَ احلفت گلبك يودني

شنهو الصدَّك اوإلمن عِفتني

دردني.. الديرتك ردني

وبحظنك گبل ماموت اخذني

انه محمّل امن اسنين حنه

اوأريد اجدامك ابئيدي احنِّي

حنة فرح ملگاك

يلمنّك طوارش ما يجنّي

خليني بحلم ..

اتگالب اوي دموع

حسرات بفراگك سبتني

********************

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.